Mizoram Combined Civil Services, 2023 te tana mandatory foundation training hi June ni 10, 2024 atang khan neih niin he training hi MCS, MF&AS leh MIS probationary officers te tana buatsaih a ni a. Training kharna hun hi ATI faculties - Lalremruata Ralte, MSS, Joint Director; Lalhmansanga, MCS, Joint Director leh Golda Dell Zohmangaihi, Course Director ten kaihruaiin officers tharte fuihna thu chahin an training te hre reng chunga an hna chelhte tha taka thawk turin duhsakna an hlan a ni. 

He training kharna hunah hian MIS officers aiawhin Biaknungi leh N.Vahneichhi te'n thusawi tawi neiin, MF&AS aiawhin Zodinpuii Bawihtlung leh Lalremtluanga te'n thusawi tawi an nei bawk a, MCS aiawhin R. Vanlalruata leh H.Lalbiaknia te hnen atangin lawmthu sawi ngaihthlak a ni.

He hunah hian Mizoram Combined Civil Services, 2023 batch te hian hriatrengna leh lawmthu sawina thilpek ATI faculties ho hnenah an hlan nghal a ni.

Training hi MCS probationary officers ho tana pawh sei niin an ni hian training hi August ni 6, 2024 thlengin an chhunzawm dawn, niin nimina Mizoram sorkar thuchhuah chuan a tarlang.